ایکنی کے ساتھ شیو میں احتیاط برتیں

مرد حضرات کا شیوکرنا روزمرہ کے معمولات میں شامل ہے یہ کام نہایت احتیاط سے کرنا چاہئے لیکن اگر جلد پر دانے یا ایکنی موجود ہوتو ان کے ساتھ شیو کرنا اور بھی مشکل اور تکلیف دہ عمل بن جاتا ہے یہی وجہ ہے کہ یہاں پر چند ایسی کارآمد ٹپس دی جارہی ہیں جو اس مسئلے کے حل میں بہتر ثابت ہوں گی۔

جلد کو صاف کریں

شیو سے پہلے جلد کی صفائی کو اپنا معمول بنالیں اس کے لئے ایک تولیے کو گرم پانی میں ڈبوکر اپنے چہرے پر کچھ منٹ کے لئے رکھیں، یہ جلد کو نرم بنانے کے ساتھ مسامات کو کھول دے گا جس سے شیو کرنا آسان ہوجائے گا۔

  شیونگ آئل کا استعمال

شیونگ کریم سے پہلے شیونگ آئل استعمال کریں اس کے ساتھ شیو بہت روانی سے کیا جاسکے گا۔

خوشبو سے پاک شیونگ کریم

اگرآپ کی جلد پر ایکنی موجود ہے توخوشبواور کیمیکل سے پاک شیونگ کریم استعمال کریں کیونکہ اس طرح یہ جلد پر جلن کا باعث بن سکتی ہے۔

اچھا ریزر استعمال کریں

اگر آپ کی جلد حساس ہے تو معیاری اور اچھی کمپنی کا سنگل بلیڈ ریزر استعمال کریں ایک سے زیادہ بلیڈ والے ریزر کے استعمال سے گریز کریں کیو نکہ اس طرح جلد پر مزید کٹ لگ سکتے ہیں، ریزر کو شیو کرنے سے پہلے اور بعد میں اینٹی بیکٹیریل محلول سے ضرور صاف کریں۔

شیوکے بعد آفٹر شیو

شیو کرنے بعد چہرے کو نیم گرم پانی سے دھولیں اور اس کے بعد کوئی اچھا لوشن یا آفٹر شیو لگانا نہ بھولیں۔ یاد رہے کہ یہ سب کیمیکل سے پاک ہونے چاہئے۔

کیٹاگری میں : صحت

اپنا تبصرہ بھیجیں